下午3時食完午餐出發上山頂花園Victoria peak garden.
星期日近天后有15B巴士上山頂,唔洗去到中環轉車。
無揹帶無bb車,靠bb行同爸媽抱喇!
上到山頂廣場仲有行條長斜路先去到目的地山頂花園大草地!中途經過柯士甸公園,已經有啲攰,以為到了,原來只是中段而已。
不過柯士甸公園有遊樂場,噴水池同草地,好多小朋友玩耍。
再向上行多15分鐘左右,終於見到青綠大草地,有小朋友踢足球,有大人紮營睡覺,有人遛狗,有人影婚紗照,有人野餐。我哋同bb玩吹泡泡,讓小bb跑跑跌跌。小bb看狗很好奇,看人踢波又想玩,吹泡泡打拮泡泡超興奮。
5點幾就要走喇。上面沒有士多或汽水機,要自備足夠的水呀,因為行到上去都流好多汗!但見到草地後,即刻感覺清涼,而且比下面山頂及柯士甸公園寧靜舒適空礦,很適合讓小朋友奔跑,特別是行得未穩的小bb, 跌倒也不怕。
More information about the Peak:
Comments
Post a Comment