小魔怪

今年3月尾Bb大約7至8個月大時，約左去my kiddy gym 試堂。 主要係俾bb活動而非坐定定聽故事同學嘢的playgroup. 個場都算大，不過俾家長擺嘢同坐定除鞋的地方就窄。 場內的導師都是說英語，有唱歌熱身，之後就設置唔同角落俾小朋友同家長玩，練習吓小朋友的肌肉，力度。可以隨意去玩唔同部份，每個角落預設活動都有導師協助小朋友完成。雖然4個月以上可參加了，但對於小bb來說還是太有難度，也不知道發生俾什麼事。 這類gym 是小朋友放電活動的好方法，也有說什麼幫助前庭發展，平衡力呀身體協調肌肉發展等等。 其實往戶外跑都可放電啦，就是playgroup 的環境應該比較安全衛生兼有人教導。 其實bb應該唔知做緊咩，都係有番咁上下大個先去玩好啲。 老師教玩吊環，而bb真係可以自已拉起自己掛在吊環上，真意想不到。 做掌上壓嗎? 可隨便拍照拍片，拍下小bb可當小小吊環運動員的時刻!不可小看bb. 也有打關斗環節，不過感覺bb太小，所以沒有嘗試。 這類的playgroup 有些動作有難度，也會有其危險性，加上bb又太小，所以要衡量究竟是否適合才參與呀。安全至上。 Whatsapp group也有流傳過一些參與同類活動發生意外: 一歲小朋友係平衡木上面失足跌左落墊，頸骨有裂痕，要插喉靠呼吸機抖氣，四肢唔識郁。有機會係永久性創傷，可能會癱，同永遠都要需要用呼吸機。 Bb 唔係第一次玩，諗住玩開應該無問題，點知出事後啲導師不知所措，甚至嘗試郁個bb (原來頸骨受傷係唔可以亂郁)，而舉辦機構話唔係導師帶領期間出事不會負責，亦強調話啲導師受過訓練，原來只係最基本的急救。甚至每位導師所謂的實際經驗都非常參差。 意外無人想，所以選擇以及參與時都要睇到實，玩時最緊要安全。

$168 4 堂Peas & Pods Learning Center 幼兒學前遊戲 用HK$168在groupon 買了peas & pods 的4堂messy play playgroup. 剛剛星期四終於上完了。 中間因為生病，及台風而缺席2堂，好彩有得補堂，所以10月上到11月先至上晒。 Messy play 顧名思義玩到亂糟糟。 去playgroup 玩就唔洗執屋，同埋有其他小朋友一齊玩。 每堂都有玩啲唔同嘅嘢，有時係麵粉牛奶cream,有時係唔同的粉麵，又有顏料同水，唔同質感的東西，總合咁多堂，玩食物多。 有時會驚，有時玩開左咩都敢玩，不過真係好污糟，喺屋企我絕對唔會俾佢咁玩。 其實老公都唔多鍾意佢去messy play, 話根本係錯誤令小朋友以為食物都可以咁樣玩，番到屋企有時都會咁玩。 而家周圍都提倡messy play, 俾小朋友感官多啲發展。我淨係知小朋友玩得幾開心。  不過呢啲玩4堂都真係咩都夠，其他都係大同小異，俾小朋友摸拍捏撥拎聞唔同質材的東西。 4th lesson: 3rd lesson: noodles, pasta, elbows, cheerios, milk, all you can eat 2nd lesson: uncooked eggs cream, flour, milk (you can actually make a cake with all these ingredients)  1st lesson: There is a playground at the reception. Children have fun there. Warm up at the ball balls pool. (the most attractive activity for little monster) Play with colours, water and beans Mess

山頂12蚊店售賣的貨品種類跟市區的不同，較少日用品，較多精緻品，玩具也較多，有戶外型也有學習型。比起市區的12蚊店，讓BB媽媽更有購買慾。這次收穫豐富。 買了:真實動物及水果圖案的puzzles, 英文字母配水果圖案的puzzle, 還買了Bubbles補充劑     店內吹泡泡產品有很多，有槍噴，有放碟仔的，有長棒，短捧形的。去公園前沒布準備也可即場買枝去公園玩。 另外還買了個足球圖案的起飛碟，很適合去草地玩。 玩具架上當然有很多其他玩具，有木製的認顏色形狀的分類玩具，有點像蒙特梳里的玩具。也有切水果套裝、水果道具、洗澡鴨子、搖鈴，布藝波波等等。 衣袋列有適合小朋友可愛布袋子, 可以讓小朋友提自己的手去街。 好認真，鞋方面也有合小朋友size的，出面的12蚊店反而不怎看見過。 嬰兒用具部都有不同種類，跟市區的沒大分別，倒是多了飯衣，而環形的學習fork都有貨，是stainless steel 買了隻回家試用會否吃得好啲。 如果會上山頂，不妨一逛，人不多，貨物齊全，排列整漯，行得舒服的。 店名 Living PLAZA by AEON山頂廣場店 地址 香港山頂道118號山頂廣場2樓32-35號舖 電話 2412 2638 傳真 2412 2933 佔地面積 3,790 平方呎 開業時間 2015年12月 營業時間 星期一至五：11:00 - 20:00 星期六、日及公眾假期：10:00 - 20:30 Above shop's information from:  http://www.aeonstores.com.hk/shop_info/detail?id=54

下午3時食完午餐出發上山頂花園Victoria peak garden. 星期日近天后有15B巴士上山頂，唔洗去到中環轉車。 無揹帶無bb車，靠bb行同爸媽抱喇！ 上到山頂廣場仲有行條長斜路先去到目的地山頂花園大草地！中途經過柯士甸公園，已經有啲攰，以為到了，原來只是中段而已。 不過柯士甸公園有遊樂場，噴水池同草地，好多小朋友玩耍。 再向上行多15分鐘左右，終於見到青綠大草地，有小朋友踢足球，有大人紮營睡覺，有人遛狗，有人影婚紗照，有人野餐。我哋同bb玩吹泡泡，讓小bb跑跑跌跌。小bb看狗很好奇，看人踢波又想玩，吹泡泡打拮泡泡超興奮。 5點幾就要走喇。上面沒有士多或汽水機，要自備足夠的水呀，因為行到上去都流好多汗！但見到草地後，即刻感覺清涼，而且比下面山頂及柯士甸公園寧靜舒適空礦，很適合讓小朋友奔跑，特別是行得未穩的小bb, 跌倒也不怕。 More information about the Peak: http://www.thepeak.com.hk/en/1_3.asp

最近油街實現設了兩個小型影院，循環播映本地的獨立影片，可隨時去觀看。 "短片試驗場︱自主映室 以年青電影創作人的作品探討創作的過程 日期：24.10 – 13.11.2016" 不過有些不適合兒童觀看，所以只好外面玩。 外面擺設了古舊的磅重機(Weighing machine with ticket), 連我當媽媽的都沒見過! 路過不妨拍個照留念:) 建築物是紅專牆,當拍照背景一流 出面還有個花圃，裡面種了多種植物，最好玩的當然是怕羞草~~ 油街實現地址: 香港北角油街12號   (港鐵至炮台山 A出口步行至油街) More information could be found here from the official website:- http://www.lcsd.gov.hk/CE/Museum/APO/zh_TW/web/apo/montage_express.html

由北角去濕地公園是一趟超長的旅途，但去到就覺得都是值得。 吃過午餐後，先坐地鐵到金鐘轉乘967巴士，全程應該要1個小時。 入場費30大元，3歲以下寶寶免費。 天氣十分舒適，太陽不猛，到達的時候已經3時了，距離閉門還有2小時趕緊進場，在大堂餵bb食東西！有冷氣，有長櫈，看著外邊的湖光美景進餐。還好bb很肚餓，很快吃完開始參觀！ 大堂那裡有育嬰室，可換片餵奶，很乾淨的。 一入到有個室內兒童遊樂場，按不同時段進去玩，不過要1米以上才可玩，我家bb大太小未可玩。 第一樣看是貝貝鰐魚，超大條呀~~其他觀看的小朋友超興奮的。 之後沿路走，看到很多植物和魚，感覺跟參觀新加坡的river safari 好相似。我們沒有看地圖，只是沿途隨便走，不知會前面有什麽，而一路上有很多有趣的動植物吸引小bb, 興奮落地奔跑   < 開心到失控 還有小鳥看，有怕醜草玩，走過浮橋，可惜潮漲錯過了招潮蟹和彈塗魚。尚未參觀完畢便要閉館了，只好意猶未盡地離開。     <會搖來搖去的浮橋 館外免費的地方有個生態迷宮，翠綠有趣好玩。穿過生態迷宮可抵達青青草地。當然也可直接走上草地。 兩片草地其實就在斜坡上，花草小動物都齊存，比起維園草地靚好多！

Bb來到第14個月，進行了人生第一次的面試，希望考進明慧的n班。 自9月開始，共報了屋企附近五所幼兒園。一心是抱著有學校收便讀，沒有也沒所謂，不勉強。 一直都覺得無所謂，但來到面試前竟然覺得好緊張 原本好擔心無時停的bb坐唔定周圍走，怎料出乎意料之外，超級定，可能因為太多陌生小朋友了 爸爸負責去見校長。媽媽陪bb去面試。入到小禮堂bb都已經企定定唔敢周圍走，是怕什麼呢樂 第一部份是一大班小朋友圍圈，站在自己位置，跟著圈中間的老師唱歌做動作跳舞。小bb應該奇怪這一大班人同bb在做什麼，只顧企定定看，什麼都沒做。。。。 熱身過後跟老師在課室分組坐在枱邊玩玩具。 1。 老師手戴兔子手偶打招呼，叫bb們摸摸say hello. Bb碰都不碰。。。。無視老師 2。在筲箕中的玩具取出車車，準確拿了出來。好叻叻。 3。 跟傍邊朋友仔交換車車玩然後俾番老師。成功俾同攞同俾番老師。 4。玩puzzle, 將puzzle 放到相對圖案中。試了很多個圖案都放不對，看來都仲未識認圖案。 5。 認顏色。卡板上有不同色bear, 老師每人給一種色的bear, 放在板上同色bear 的位置。bb還未懂得選顏色，所以做不來呢。 6。 疊積木。每人一盤3粒積木，老師先示範疊高積木，讓bb自己疊高。bb 唔想拎積木。。。我從小盤中拎出，bb立即幫我全部放回，表示寶寶不想玩。。。。 最後老師派信俾bb轉交俾爸媽，然後就byebye 走人。 Bb一落地即刻推開啲椅，堅持自己落樓梯，明明未識落。。。問抱抱好唔好都另頭話唔好 話咁快就interview 完畢.其實好似同小朋友去玩咁，唔洗驚唔洗緊張。 希望下次bb可以快熱啲，玩得開心啲~~~ 爸爸報告見校長其實都係聽下校長嘢，同答下校長問點解想讀明慧啦。爸爸沒有更多透露了但比我們去玩遊戲更快完啦。 全部約30分鐘，大功告成。 還有4個未知幾時的面試呢~~~

十月的這個星期日，全家3代同堂即興坐15分鐘富裕小輪，從北角去觀塘。 推輪椅加bb車無難度，全程唔洗點上落，唔洗收車，很方便。 天公給力，三時多出門天有一大舊雲，好彩最近到走都無雨。 公園有好多少朋友同bb. 先去官能花園玩下，都係適合大個啲小朋友玩。只著出去海邊的草地坐，食下嘢，拖bb走去同其他小朋友玩，正確啲係走去玩人哋啲玩具😂 好多小朋友帶了皮球，吹泡泡，車車來野餐，自己帶去的波波即刻吸引力大減。。。 公園有人影結婚相，有人表演雜技。聞說雜技人住在船上，來自 Argentina, 吸引好多小朋友的目光。 坐下，行下，食下，瞓下，6點多回程了。過左個舒服又開心的下午。 玩玩具 住在船上的表演者 他們來自阿根廷 玩到天黑唔肯走