小魔怪

Bb天天用尿片，成日有媽媽問訂開邊間平。 用開goon大王，超市百貨公司連鎖店賣得很貴的。 在藥房或網上訂購日本版，價錢約105至120左右,划算很多。 主要訂開babypace/ the one baby. 要視乎訂果排有無貨啦，無貨平極都無用 Goon價錢比較： 1. babypace，訂8包混size , 平均大碼$118，包送貨 2. the one baby , 訂8包 $850，可混size , 8包免費送貨 3. Aswell, $100 一包，8包以上更加減至$95一包，咩碼都係。 不過要俾$48運費，幾多包都要 睇嚟下次我要試下訂Aswell lar~~ 仲可以同其他住附近的媽媽夾，分擔運費又唔洗一次擺太多在家。 而家一星期用一包，其實都用得好快，錢就係咁跟著bb的pp一齊流走所以慳得一蚊得一蚊好緊要。 利申：我同3間店都無關係，純粹分享下邊到買平尿片。

2016.8.28-2016.9.1-新加坡 想去旅街很久了。自從honeymoon 中獎後，直到bb現在1歲都沒去過旅行。終於老公有時間，可以帶bb一齊去旅行了。bb 開始食緊3餐固體，開始搖擺地學行，對於外界的東西很好奇，希望今次旅行是一個美好的回憶。 去邊好 候選地方有新加坡，沖繩，澳洲，以上純粹個人喜好同埋未去過。多番思量，最後決定bb第一次出遠門去新加坡。考慮因素有：- 飛行時間，4小時左右應該係bb的極限，如果肯睡，應該很快過。4個小時機上只需食一餐，唔洗隨身帶太多baby food. 安全考慮，地方最好有香港咁先進，又能夠溝通，touchwood發生起事或者要睇醫生都方便啲，咁非新加坡莫屬。 遊玩景點 要有合家歡的遊玩地方，太多戶外或機動遊戲便不適合了。只有兩公婆，丟不下bb去玩呢。 交通 因為帶bb出遊真的很多行李，而且移動得很慢，所以基本上不能年輕時般跑景點，追車。而且坐車坐得耐，難保bb唔摟計。在公共交通工具上遇人無位或者bb摟計真係會好痛苦。所以景點算係比較易到及集中，新加坡會是不錯的選擇。 落實地點要買機票~~ 機票篇 以為bb唔洗錢坐飛機，原來係錯㗎！！聽說有些航空公司好似真係唔洗錢，例如hkexpress去日本。可怕hkexpress 無去新加坡。睇過好多航空公司都要收費，可能係成人正價1成至5成，再加稅項。 當時tigerair 做緊半價，超平，成人才5百多hkd, bb ticket 無呢啲優惠，一樣幾百蚊，而且未包行李。計埋都要過千，而且原來tigerair 同 scoot都寫明唔俾帶bb車上機，咁樣我就放棄再睇佢。 搜集好多資料都話帶bb出門，坐好點的飛機會舒服啲，而且變數機少啲。（即delay 或因夠客而取消機） 除去tigerair, 其他airlines 價錢都差不多，cathay pacific 同 singapore airlines 2個大1加個bb都係4千幾左右，最後為左選好啲的時間，揀咗singapore airlines 的SQ1 同SQ2. 比較兩大人同兩大人一B, 價錢差了約1千蚊。bb都有10 kg 行李，bb車不用磅，可推至登機口，有工作人員幫或者自己打包，都很方便。落機時也是在登機口等人拎bb車俾你，然後可以推住去過關。 很多airlin

上一次書展前看到有人介紹巧知怎麼虎這套育兒教材，懶媽如我不知怎樣按照BB的成長去購入不同的書藉，增購書本也無系統，所以決定訂購寶寶版巧虎送給BB, 讓BB定期接觸下新玩具新資訊。 每期書有玩具，parenting guide 小冊子，巧虎書和DVD，很豐富! 最近的11月號教BB睡覺晚安蓋被子，12月號教刷牙，每一期都來得剛好，提醒了要學習做好什麼。現在天天睡前都會看看巧虎書，十分喜愛呢。眾多圖書中，BB特愛巧虎書，翻了又翻，百看不厭。老爺奶奶也跟BB一起玩虎隨書的玩具，也得別稱讚訂這書真好~~~ 隨書還有DVD，但我不想讓BB太早看電視，所以基本上很少看，而且1隻光碟還分2次看。BB每次都睇到眼定定，應該是前`所未有咁專注...... 有好多媽媽都嘗試搞團購希望能訂得便宜點，但是出版商立場也很堅定，價錢一點也不減，只能送些無關係的贈品，像星星餅、thomas 火車類，當然還要湊夠人數才送呢。其實如果不急，書展時訂送的禮品最多呢，2016書展只要walk in 就可選3件禮物(BB防曬，防蚊膏，thomas 火車玩具，泥膠玩具等等，還加星星餅。 巧虎有推薦計劃的，現有客戶推薦朋友訂閱，兩人都會有送禮物的，都是巧虎的周邊產品，小朋友一定好喜歡~~每期的推薦禮品都不一樣，有興趣訂閱的不妨找朋友推薦，個人覺得這些禮品比書展來得更吸引，可恨當時我不知道~~~~~ 有興趣也可找我要推薦表格，一齊拎禮物~~今期禮物:

昨天帶小bb去科學館玩，剛好星期三免費入場。 其實已經第2次去了，今次已經有自己主見，自己跑來跑去，魔爪往不同物件伸延! 由2.12.2016至1.3.2017科學館正舉辦超感官暴龍展，就在最底層。不過不要期望過高，沒有很巨型的恐龍骨擺設，連其他小型的恐龍擺設也不多。原因是今次主打virtual reality (VR) experience, 好多都是要透過平版電腦去看，好像過bar code 咁才看到特別的東西，但是很多都不正常運作，所以沒有看到什麼。 比較特別的是有得排隊坐鞦韆並戴上VR 眼鏡睇，因為好多人排，而且小bb不懂欣賞，我都無得睇。 有一個角落則設置了大熒幕，讓小朋友一齊跑進大熒幕上跟大恐龍碰面。不過小bb驚驚要掉頭走。。。。 其他地方是恆常的展覽設施，無特別。比起之前，這趟比較多展品在維修中呢。 小bb今次夠大個，鍾意坐低玩lego. 仲有其唔同科學的玩意,還有一些魚類生物看! 玩咗幾個鍾，小bb都好攰了，回程好快就瞓咗。臨回北角前，去左百週年公園個噴水池食小小嘢，跑兩跑便瞓住回家。

BB 早兩個星期去私家診所打了第一針四價流感針，打完一點燒都沒有也沒特別樓計。之前還在掙扎應否打，怕bb因而要無故發燒或生病，還好鬆一口氣。 比起BB，我更早數個星期去卓健打了這流感針的成人版，除了打完之後的一兩天手臂很酸之外並沒其他不良反應。 最近食飯和朋友提起，才發現好像很多都不知道政府對某些人士提供資助包括BB同孕婦，鼓勵他們打流感針。 政府資助後，所需費用就視乎不同醫生自己的收費了，由不用錢到170大元都有，當然可能還有更貴我不知道。 而我問過卓健這間連鎖醫務中心就不用補錢，只需付Hk$60診金作為見醫生費用。去打針前最好問咗有無貨先，成年人打的同bb打的是不同的。另外都要帶bb出世紙俾姑娘登記番先可獲資助。 如果bb從未打過流感針，咁就要好似我家小bb咁要打兩針了，而兩針都係會有政府資助。兩針中間要隔4個星期，雖然有副作用的機會唔大，但都唔想bb唔好彩發燒或者同一時間面對太多事情，要最好預好時間，盡量避開準備要n班面試，出門旅行，或者番健康院打針的日子啦。 下面quote from 衛生署website:~ ~凡9歲以下從未接種過季節性流感疫苗的兒童，建議應接種兩劑季節性流感疫苗，而兩劑疫苗的接種時間至少相隔4個星期。 ~季節性流行性感冒疫苗注射 2016年11月3日起，6個月至未滿6歲香港居民可到衞生署轄下的母嬰健康院; 6歲至未滿12歲香港居民可到衞生署轄下的學生健康服務中心，免費接種疫苗。 http://www.chp.gov.hk/tc/view_content/45020.html http://www.chp.gov.hk/tc/view_content/18630.html

第22屆婚展會2017又就快舉行, 收到免費送 入場券2張的通知，分享俾各位就快成為人妻的少女~~~ 仲會寄上門，好方便。有需要就click lin填表啦~~ http://www.wedding.expo.com.hk/v12/2017/01/012017form.php 日期： 2017 年 1 月 7 - 8 日 地點：九龍灣國際展貿中心匯星及展貿廳 2,3 想知更多可上官網睇睇~~ http://wedding.expo.com.hk/v12/index.php

無早無遲， 9:30am面試， 9:28am到達。 不過都要等，在操場有好多玩具俾小朋友玩住等，連波波池都有。 之後等叫名入課室，爸媽一齊入得。 課室分左5至6張枱，每張枱有1個老師，對1個小朋友。老師同小朋友玩玩具，家長一起坐在小朋友隔離。 老師一路玩，有問下爸媽bb多唔多同小朋友玩，通常玩什麼玩具。 老師教bb玩下面的: 1.擺幾個膠公仔上巴士，開車車 2.睇布書，入面有餵bb飲奶奶，貼奶樽在魔術貼位，第2頁係幫bb刷牙，最後交bb落床瞓覺 3.揸筆在紙上畫畫，俾一枝爸爸，一枝媽媽，畫完放番筆桶 4. 老師俾貼紙，講88(bb唔講謝謝又唔拜拜) 5. 老師話幫佢推番好啲椅, 爸爸示範，bb有做(仲幫隔離枱推埋) 中間因為有背景音樂，自己突然un, 同埋有掛住望其他枱的小朋友唔專心，要老師叫多幾次。 其他大致上表現都好，好多都做到晒，好乖乖。 Interview完出去繼續玩。

今年3月尾Bb大約7至8個月大時，約左去my kiddy gym 試堂。 主要係俾bb活動而非坐定定聽故事同學嘢的playgroup. 個場都算大，不過俾家長擺嘢同坐定除鞋的地方就窄。 場內的導師都是說英語，有唱歌熱身，之後就設置唔同角落俾小朋友同家長玩，練習吓小朋友的肌肉，力度。可以隨意去玩唔同部份，每個角落預設活動都有導師協助小朋友完成。雖然4個月以上可參加了，但對於小bb來說還是太有難度，也不知道發生俾什麼事。 這類gym 是小朋友放電活動的好方法，也有說什麼幫助前庭發展，平衡力呀身體協調肌肉發展等等。 其實往戶外跑都可放電啦，就是playgroup 的環境應該比較安全衛生兼有人教導。 其實bb應該唔知做緊咩，都係有番咁上下大個先去玩好啲。 老師教玩吊環，而bb真係可以自已拉起自己掛在吊環上，真意想不到。 做掌上壓嗎? 可隨便拍照拍片，拍下小bb可當小小吊環運動員的時刻!不可小看bb. 也有打關斗環節，不過感覺bb太小，所以沒有嘗試。 這類的playgroup 有些動作有難度，也會有其危險性，加上bb又太小，所以要衡量究竟是否適合才參與呀。安全至上。 Whatsapp group也有流傳過一些參與同類活動發生意外: 一歲小朋友係平衡木上面失足跌左落墊，頸骨有裂痕，要插喉靠呼吸機抖氣，四肢唔識郁。有機會係永久性創傷，可能會癱，同永遠都要需要用呼吸機。 Bb 唔係第一次玩，諗住玩開應該無問題，點知出事後啲導師不知所措，甚至嘗試郁個bb (原來頸骨受傷係唔可以亂郁)，而舉辦機構話唔係導師帶領期間出事不會負責，亦強調話啲導師受過訓練，原來只係最基本的急救。甚至每位導師所謂的實際經驗都非常參差。 意外無人想，所以選擇以及參與時都要睇到實，玩時最緊要安全。

$168 4 堂Peas & Pods Learning Center 幼兒學前遊戲 用HK$168在groupon 買了peas & pods 的4堂messy play playgroup. 剛剛星期四終於上完了。 中間因為生病，及台風而缺席2堂，好彩有得補堂，所以10月上到11月先至上晒。 Messy play 顧名思義玩到亂糟糟。 去playgroup 玩就唔洗執屋，同埋有其他小朋友一齊玩。 每堂都有玩啲唔同嘅嘢，有時係麵粉牛奶cream,有時係唔同的粉麵，又有顏料同水，唔同質感的東西，總合咁多堂，玩食物多。 有時會驚，有時玩開左咩都敢玩，不過真係好污糟，喺屋企我絕對唔會俾佢咁玩。 其實老公都唔多鍾意佢去messy play, 話根本係錯誤令小朋友以為食物都可以咁樣玩，番到屋企有時都會咁玩。 而家周圍都提倡messy play, 俾小朋友感官多啲發展。我淨係知小朋友玩得幾開心。  不過呢啲玩4堂都真係咩都夠，其他都係大同小異，俾小朋友摸拍捏撥拎聞唔同質材的東西。 4th lesson: 3rd lesson: noodles, pasta, elbows, cheerios, milk, all you can eat 2nd lesson: uncooked eggs cream, flour, milk (you can actually make a cake with all these ingredients)  1st lesson: There is a playground at the reception. Children have fun there. Warm up at the ball balls pool. (the most attractive activity for little monster) Play with colours, water and beans Mess

山頂12蚊店售賣的貨品種類跟市區的不同，較少日用品，較多精緻品，玩具也較多，有戶外型也有學習型。比起市區的12蚊店，讓BB媽媽更有購買慾。這次收穫豐富。 買了:真實動物及水果圖案的puzzles, 英文字母配水果圖案的puzzle, 還買了Bubbles補充劑     店內吹泡泡產品有很多，有槍噴，有放碟仔的，有長棒，短捧形的。去公園前沒布準備也可即場買枝去公園玩。 另外還買了個足球圖案的起飛碟，很適合去草地玩。 玩具架上當然有很多其他玩具，有木製的認顏色形狀的分類玩具，有點像蒙特梳里的玩具。也有切水果套裝、水果道具、洗澡鴨子、搖鈴，布藝波波等等。 衣袋列有適合小朋友可愛布袋子, 可以讓小朋友提自己的手去街。 好認真，鞋方面也有合小朋友size的，出面的12蚊店反而不怎看見過。 嬰兒用具部都有不同種類，跟市區的沒大分別，倒是多了飯衣，而環形的學習fork都有貨，是stainless steel 買了隻回家試用會否吃得好啲。 如果會上山頂，不妨一逛，人不多，貨物齊全，排列整漯，行得舒服的。 店名 Living PLAZA by AEON山頂廣場店 地址 香港山頂道118號山頂廣場2樓32-35號舖 電話 2412 2638 傳真 2412 2933 佔地面積 3,790 平方呎 開業時間 2015年12月 營業時間 星期一至五：11:00 - 20:00 星期六、日及公眾假期：10:00 - 20:30 Above shop's information from:  http://www.aeonstores.com.hk/shop_info/detail?id=54

下午3時食完午餐出發上山頂花園Victoria peak garden. 星期日近天后有15B巴士上山頂，唔洗去到中環轉車。 無揹帶無bb車，靠bb行同爸媽抱喇！ 上到山頂廣場仲有行條長斜路先去到目的地山頂花園大草地！中途經過柯士甸公園，已經有啲攰，以為到了，原來只是中段而已。 不過柯士甸公園有遊樂場，噴水池同草地，好多小朋友玩耍。 再向上行多15分鐘左右，終於見到青綠大草地，有小朋友踢足球，有大人紮營睡覺，有人遛狗，有人影婚紗照，有人野餐。我哋同bb玩吹泡泡，讓小bb跑跑跌跌。小bb看狗很好奇，看人踢波又想玩，吹泡泡打拮泡泡超興奮。 5點幾就要走喇。上面沒有士多或汽水機，要自備足夠的水呀，因為行到上去都流好多汗！但見到草地後，即刻感覺清涼，而且比下面山頂及柯士甸公園寧靜舒適空礦，很適合讓小朋友奔跑，特別是行得未穩的小bb, 跌倒也不怕。 More information about the Peak: http://www.thepeak.com.hk/en/1_3.asp

最近油街實現設了兩個小型影院，循環播映本地的獨立影片，可隨時去觀看。 "短片試驗場︱自主映室 以年青電影創作人的作品探討創作的過程 日期：24.10 – 13.11.2016" 不過有些不適合兒童觀看，所以只好外面玩。 外面擺設了古舊的磅重機(Weighing machine with ticket), 連我當媽媽的都沒見過! 路過不妨拍個照留念:) 建築物是紅專牆,當拍照背景一流 出面還有個花圃，裡面種了多種植物，最好玩的當然是怕羞草~~ 油街實現地址: 香港北角油街12號   (港鐵至炮台山 A出口步行至油街) More information could be found here from the official website:- http://www.lcsd.gov.hk/CE/Museum/APO/zh_TW/web/apo/montage_express.html